O‘zbekiston va Pokiston Strategik sheriklik kengashini tuzadi
Bu bo‘yicha bir qator bitimlar to‘plami imzolandi.
Muzokaralar yakunida O‘zbekiston prezidenti Shavkat Mirziyoyev va Pokiston bosh vaziri Shahboz Sharif Qo‘shma deklaratsiya va Oliy darajadagi ikki tomonlama Strategik sheriklik kengashini tuzish to‘g‘risidagi protokolni imzoladilar.
Ushbu hujjatlar O‘zbekiston-Pokiston ko‘p qirrali hamkorlik munosabatlarini yana-da rivojlantirish va mustahkamlashga qaratilgan.
Shuningdek, tashrif davomida imzolangan quyidagi hujjatlar almashildi:
• Fan, texnika va innovatsiyalar sohasida hamkorlik to‘g‘risida bitim;
• Diplomatik pasport egalarining vizasiz safarlari to‘g‘risida bitim;
• Ichki ishlar vazirliklari o‘rtasida hamkorlik to‘g‘risida bitim;
• Professional taʼlim sohasida hamkorlik to‘g‘risida bitim;
• Yoshlar siyosati sohasida hamkorlik to‘g‘risida bitim;
• Milliy axborot agentliklari o‘rtasida hamkorlik to‘g‘risida bitim;
• Diplomatik akademiyalar, Toshkent va Lahor shaharlari o‘rtasida hamkorlik to‘g‘risidagi bitim va kelishuvlar va boshqa hujjatlar.
