O‘zbekistonliklarning 94 foizi bugungi islohotlarni qo‘llamoqda
Bu bo‘yicha 1500 ga yaqin uy xo‘jaliklari bilan so‘rov o‘tkazilgan.
“Taraqqiyot strategiyasi” markazi, Jahon banki, Hamdo‘stlik va Taraqqiyot byurosining Markaziy Osiyo bo‘yicha hududiy rivojlantirish ofisi bilan hamkorlikda tashkil etilgan davra suhbatida “O‘zbekiston fuqarolarini tinglab” tadqiqoti natijalari taqdimot qilindi.
Jahon banki tomonidan amalga oshirilayotgan ushbu loyiha doirasida 2023 yilgi so‘rovnomada uy xo‘jaliklarining 55 foizi daromad topish uchun sharoitlar yaxshilanganini aytgan bo‘lsa, 2025 yilda 1500 ga yaqin uy xo‘jaliklari bilan o‘tkazilgan so‘rov natijalariga ko‘ra, 88 foiz xo‘jaliklar ijobiy xulosa bergan. Umuman, O‘zbekiston aholisining 94 foizi bugungi islohotlarni qo‘llashini bildirgan.
Shuningdek, davra suhbati davomida “Taraqqiyot strategiyasi” markazi tomonidan tayyorlangan “O‘zbekiston – 2030” strategiyasini BMTning “Barqaror rivojlanish maqsadlari”ga muvofiq amalga oshirilishi infografik tahlili” nomli to‘plam taqdimoti o‘tkazildi.
