Toshkentda erkak itlar hujumi sabab vafot etdimi?
Tarqalgan xabarlar yuzasidan rasmiy izoh berildi.
Ijtimoiy tarmoqlarda Toshkentda bir to‘da itlar katta insonga hujum qilgani va shuning oqibatida u vafot etgani aytilgan xabarlar tarqalmoqda. Holat yuzasidan shahar hokimligi rasmiy munosabat bildirdi.
Qayd etilishicha bugun, 3 mart kuni Qoraqamish mavzesining 2/4-kvartalida yashovchi 1966 yilda tug‘ilgan L.U. vafot etgan. O‘lim sababi — o‘tkir yurak-qon tomir yetishmovchiligi.
“Hech qanday itlar hujumi sodir bo‘lmagan. Shahar aholisini vahimaga tushmaslikka va noto‘g‘ri maʼlumotlarni tarqatmaslikka chaqiramiz”, - deyiladi xabarda.
