Yangiyo‘lda ko‘prikning bir qismi qulab tushdi
Hozirda ko‘prik nazoratga olingan.
8 mart kuni Toshkent viloyati Yangiyo‘l tumanida joylashgan ko‘prikning bir qismi qulab tushdi.
Qayd etilishicha, Yangiyo‘l tumani hududidan o‘tgan D022 “Nurafshon- Oqqo‘rg‘on-Yangiyo‘l” avtomobil yo‘lining 58-kilometrida joylashgan ko‘prikning bir qismi o‘pirilib tushgan.
“Ushbu shikastlanish vaqtida ko‘prikda fuqorolar va transport vositalari bo‘lmagan”, deyiladi xabarda.
Maʼlum qilinishicha, hozirda ko‘prik tegishli tashkilotlar va Yo‘l harakati xavfsizligi xizmati xodimlari tomonidan nazoratga olingan bo‘lib, harakat ishtirokchilarini xavfsiz harakatlanishi uchun choralar ko‘rilgan.
