Qarshi shahri hududi kengayadi
Loyiha 2042 yilgacha amalga oshiriladi.
Hukumat qarori bilan tasdiqlangan Qarshi shahrining yangi bosh rejasiga ko‘ra, Qashqadaryo viloyati markazi so‘nggi 18 yil ichida Koson, Qarshi va Ko‘kdala tumanlari hududiga qarab 7 767 gektarga, yaʼni qariyb ikki baravar kengayadi.
Vazirlar Mahakamasi qaroriga ko‘ra, Qarshi shahri bosh rejasining loyihasi Respublika arxitektura-shaharsozlik kengashi bilan kelishilgan, shahar hududini 2042 yilgacha bo‘lgan davrda Koson, Qarshi va Ko‘kdala tumanlari hududiga kengayadi.
Shahar hududi hozirgi paytda 8 ming 308,9 gektarni tashkil etsa, 2030 yilning oxiriga qadar 11 ming 26,8 gektar, 2042 yil yakunigacha esa 16 ming 73,6 gektargacha o‘zgaradi.
Shu yillarda shahar aholisi soni 300 ming kishidan mos ravishda 400 ming va 470 ming kishigacha ko‘payishi kutilmoqda, uy-joy fondi esa bugungi 3 million 992,27 ming kvadrat metrdan birinchi navbatda 7 million 200 ming kvadrat metr, hisob davrida 10 million 810 ming kvadrat metrgacha oshishi reja qilingan.
