Olimlar qarishni sekinlashtiruvchi tabiiy moddani aniqlashdi

Olimlarning aniqlashicha, lutеolin moddasi qarish jarayonini sekinlashtirishi va turli kasalliklarning oldini olishi mumkin. Ushbu tabiiy antioksidant kofe, choy, mevalar, sabzavotlar va ko‘katlarda mavjud bo‘lib, hujayralarni zararli erkin radikallardan himoya qiladi.

 

Britaniyalik terapevt Rob Galloway yapon olimlari olib borgan tadqiqot natijalariga tayanib, lutеolinning sichqonlarda erta oqarish jarayonini to‘xtata olishini ma’lum qildi. Nagoya universiteti olimlari ushbu modda krem va qo‘shimcha oziq moddalari orqali qo‘llanganda, sichqonlarning soch pigmentatsiyasiga ijobiy ta’sir ko‘rsatishini aniqlashdi.

 

Shuningdek, tadqiqotlar lutеolinning qarish jarayonida faol bo‘ladigan p16INK4A genining faolligini pasaytirishini ko‘rsatdi. Bu gen yosh o‘tishi bilan hujayralarning bo‘linish jarayonini to‘xtatadi va qarishni tezlashtiradi.

 

Doktor Gallowayning ta’kidlashicha, sochlarning oqarishi bilan bog‘liq mexanizmlar yurak kasalliklari va saraton rivojlanishiga ham ta’sir ko‘rsatishi mumkin. Shuning uchun lütеolin bilan boyitilgan mahsulotlarni iste’mol qilish salomatlikni saqlashga yordam berishi mumkin. Ushbu modda ko‘p miqdorda petrushka, brokkoli, choy, kofe, mevalar va sabzavotlarda mavjud.