Shavkat Mirziyoyevning Olmaotaga tashrifi yakunlandi
Tashrif davomida rahbarlar ikki mamlakat o‘rtasidagi hamkorlikni kuchaytirishga kelishib oldilar.
O‘zbekiston Respublikasi Prezidentining Qozog‘iston Respublikasiga amaliy tashrifi yakunlandi.
Oliy darajadagi tadbirlar dasturi doirasida Olmaota shahrida Prezident Shavkat Mirziyoyev va Prezident Qasim-Jomart Toqayev norasmiy uchrashuv o‘tkazib, ikki tomonlama, xalqaro va mintaqaviy ahamiyatga molik dolzarb masalalarni muhokama qildilar.
Yetakchilar “Medeu” tog‘-chang‘i klasteri faoliyati bilan tanishdilar, raqamli va sunʼiy intellekt texnologiyalari, ikki mamlakat atoqli musavvirlarining rangtasvir va grafika asarlari ko‘rgazmalarini ko‘zdan kechirdilar.
Olmaota xalqaro aeroportida O‘zbekiston Respublikasi Prezidenti Shavkat Mirziyoyevni Qozog‘iston Respublikasi Prezidenti Qasim-Jomart Toqayev kuzatib qo‘ydi.
Davlatimiz rahbari Toshkentga jo‘nab ketdi.
