Tramp barcha davlatlar uchun import bojlarini joriy etdi
O‘zbekiston tovarlariga 10% tarif belgilandi.
AQSh prezidenti Donald Tramp chet eldan import qilinadigan barcha mahsulotlarga 10% boj joriy etilganini e’lon qildi. Bu qaror Oq uyda bo‘lib o‘tgan matbuot anjumanida e’lon qilingan bo‘lib, Tramp uni "AQSh iqtisodiy mustaqillik deklaratsiyasi" deb atadi.
Yangi bojxona tariflariga ko‘ra, O‘zbekiston mahsulotlariga ham 10% boj solinadi. Xitoy, Yevropa Ittifoqi va boshqa ba’zi davlatlarga esa yanada yuqori tariflar belgilandi. Trampning ta’kidlashicha, ushbu choralar Amerika sanoatini mustahkamlash va iqtisodiy farovonlikni oshirishga qaratilgan.
Mazkur bojlar 5-apreldan kuchga kiradi va kelajakda qayta ko‘rib chiqilishi mumkin. Ekspertlar bu qarorning xalqaro savdoga ta’siri qanday bo‘lishini kuzatmoqda.
