Toshkentda mehmon 2 nafar yigitni pichoqladi
Shundan so‘ng ularning uyini yoqib yuborgan.
Maʼlum qilinishicha, gumonlanuvchi yigit tanishining uyiga mehmonga keladi va kutilmaganda ular o‘rtasida janjal kelib chiqadi. Shundan so‘ng, gumonlanuvchi oshxonadagi o‘tkir tig‘li jism bilan 2 nafar yigitga tan jarohati yetkazgan.
Mazkur holat joriy yilning 7 aprel kuni Sergeli tumani Quruvchilar dahasida joylashgan ko‘p qavatli uyda sodir bo‘lgan.
Pichoqlangan 2 nafar yigitlar jarrohlik amaliyotidan o‘tkazilgan hamda ularning hayoti saqlab qolingan.
“Shifoxonga bordim, ahvoli ozroq og‘ir edi. Shifokorlar bir nafari yigitni 5 marta, yana birini 7 marta pichoqlanganini maʼlum qildi. Gumonlanuvchi jinoyatni sodir qilib, uyni yoqib yuborganini aytishmoqda”,- deydi MFY ijtimoiy xodimi.
Holat bo‘yicha JKning 97-moddasi 2-qismi “a” bandi bilan jinoyat ishi qo‘zg‘atilgan. Gumonlanuvchi qo‘lga olingan. Hozirda Sergeli tumani prokuraturasi tomonidan tergovga qadar tekshiruv harakatlari olib borilmoqda.
