Ishxonasida giyohvand modda chekishda gumon qilingan amaldor ishdan bo‘shatildi

Andijon viloyati Kambag‘allikni qisqartirish va bandlikka ko‘maklashish boshqarmasi rahbari va uning o‘rinbosari ishdan olindi. Bunga boshqarma rahbar o‘rinbosari xizmat xonasida giyohvand modda — gashish chekayotgani aks etgan suratning ijtimoiy tarmoqlarda tarqalishi sabab bo‘ldi.

 

Ichki ishlar vazirligi maʼlumotiga ko‘ra, 0,69 gramm gashish moddasi musodara qilingan. Sud-kimyoviy ekspertiza xulosasiga ko‘ra, ushbu modda giyohvandlik vositasi ekani tasdiqlangan.

 

Andijon viloyati Bandlik boshqarmasiga ko‘ra, Andijon shahar bo‘limi boshlig‘i D.U. va uning o‘rinbosari S.B. bilan mehnat shartnomalari rasman bekor qilingan. Hozirda holat yuzasidan tergov ishlari olib borilmoqda.