O‘zbekiston aholisining necha foizi mehnatga layoqatli?
Bu bo‘yicha statistika eʼlon qilindi.
O‘zbekistonda 2025 yilning 1 aprel holatiga doimiy aholi soni 37 697,8 ming kishini tashkil etdi. Bu haqida Milliy statistika qo‘mitasi xabar berdi.
Qayd etilishicha, doimiy aholi sonining yosh guruhlari bo‘yicha tarkibi quyidagicha:
— mehnatga layoqatli yoshdan kichiklar – 12,1 mln kishi (32,1 foiz);
— mehnatga layoqatli yoshdagilar – 21,1 mln kishi (56 foiz);
— mehnatga layoqatli yoshdan kattalar – 4,5 mln kishi (11,9 foiz).
Maʼlumotga ko‘ra, O‘zbekistonning doimiy aholisi soni o‘tgan yilning mos davri bilan solishtirilganda 2 foizga oshgan.
Mamlakat aholisi 2025 yil boshidan buyon 154,6 ming kishiga ko‘paygan. 2025 yilning har bir oyida o‘rtacha 51,5 ming kishiga, har bir kunida esa o‘rtacha 1,7 ming kishiga ko‘paymoqda.
