Ukrainada harbiy holat muddati yana uzaytirildi
Loyiha 15-aprel kuni parlamentga taqdim etilgan edi.
Ukraina Oliy Radasi harbiy holat va safarbarlik muddatini yana uch oyga uzaytirdi. Yangi qarorga ko‘ra, mamlakatda harbiy holat 2025-yil 6-avgustgacha amal qiladi. Bu haqda deputat Yaroslav Jeleznyak o‘zining ijtimoiy tarmoq sahifasida ma’lum qildi.
Qonun loyihasini ko‘rib chiqish natijasida 357 deputat harbiy holatni uzaytirishni qo‘llab-quvvatladi, safarbarlikka esa 346 deputat ijobiy ovoz berdi. Faqatgina Yevropa Birdamligi partiyasidan deputat Aleksey Goncharenko qarshi chiqdi.
Prezident Vladimir Zelenskiy bu qonun loyihalarini 15-aprel kuni parlamentga taqdim etgan edi. Shu tariqa Ukrainada harbiy holat va umumiy safarbarlik muddati 15-marta rasmiy ravishda uzaytirildi. Rasmiylar bu chora Rossiya bilan davom etayotgan mojaro sharoitida mamlakat xavfsizligini ta’minlash uchun zarur ekanini ta’kidlashmoqda.
