Tabiat bilan muloqot ruhiy sog‘liq uchun eng yaxshi vosita hisoblanadi
Tabiatda sayr qilish depressiyaga qarshi kurashda samarali ekanligi aniqlandi.
Yangi ilmiy tadqiqotlarga ko‘ra, ochiq havoda, tabiat bag‘rida o‘tkazilgan vaqt inson ruhiy salomatligiga kuchli ijobiy ta’sir ko‘rsatadi — hattoki ko‘plab antidepressant dorilar bilan teng yoki undan samaraliroq bo‘lishi mumkin.
Olimlar aniqlashicha, atigi bir necha soatni daraxtzor, tog‘, suv bo‘yida yoki shunchaki parkda o‘tkazish quyidagi natijalarga olib keladi:
- tashvish va xavotir holatlari 55 foizga kamayadi
- depressiya xavfi 51 foizga tushadi
- hayotdan zavqlanish hissi esa 65 foizga oshadi
Mutaxassislar inson miyasi va asab tizimi sun’iy dorilarga emas, aynan tabiat bilan bevosita aloqa orqali tiklanishini ta’kidlamoqda. Ayniqsa, ertalabki quyosh nuri, qushlarning sayrashi, toza havo — bularning barchasi stressni kamaytiruvchi tabiiy “terapiya”.
Olimlar haftada kamida 2–3 marta ochiq havoda 1 soat sayr qilish, telefonsiz, yolg‘iz yoki sokin muhitda vaqt o‘tkazish, shovqindan uzoq joylarda yurish, yurak urishini tezlatuvchi harakatlar qilish (masalan, piyoda yurish yoki velosiped)ni maslahat berishadi.
Ushbu tadqiqot ruhiy tushkunlik, charchoq va doimiy stressdan aziyat chekayotganlar uchun tabiiy, arzon va yon ta’sirisiz yechim sifatida qaralmoqda.
