Xitoy prizidenti yangi Osiyo savdo ittifoqini shakllantirmoqda
Endi bozorga kirish qurol sifatida ishlatiladi.
Xitoy rahbari Si Szinpin AQSHning joriy qilgan yuqori bojxona tariflariga javoban Osiyo mamlakatlari bilan yaqinroq savdo hamkorligi yo‘lida harakatni boshladi. Uning tashabbusi Janubiy-Sharqiy Osiyoda yangi savdo alyansi yaratishga qaratilgan bo‘lib, bu mamlakatlarni AQSHning iqtisodiy bosimiga qarshi turishda birlashtirishni maqsad qiladi.
Si Szinpin Malayziyaga qilgan rasmiy tashrifi davomida bu mamlakatga Xitoy bozoriga kengroq kirish imkonini vaʼda qildi. Uning so‘zlariga ko‘ra, Xitoy va Malayziya mintaqadagi boshqa davlatlar bilan birgalikda iqtisodiy globallashuv va geosiyosiy beqarorlikka qarshi kurashishlari kerak. Malayziya Bosh vaziri Anvar Ibrohim ham AQSHni "bozorga kirishni qurol sifatida ishlatmoqda", deb tanqid qildi.
Xitoy rahbari avvalroq Vyetnamga tashrif buyurib, u yerda sunʼiy intellekt, 5G va qishloq xo‘jaligi mahsulotlari savdosi sohalarida o‘nlab bitimlar imzoladi. Shuningdek, Vyetnam va Xitoy o‘rtasida yangi temir yo‘l qurilishi loyihasi eʼlon qilindi. Si Szinpinning navbatdagi manzili Kambodja bo‘lishi kutilmoqda.
Janubiy-Sharqiy Osiyo davlatlari anʼanaviy ravishda AQSH va Xitoy o‘rtasidagi raqobatda betaraf pozitsiyani saqlab kelgan. Ammo Xitoy bilan imzolanayotgan yangi kelishuvlar Pekinning mintaqadagi taʼsirini oshirayotganini va mamlakatlar Xitoy bilan yaqinroq hamkorlikni afzal ko‘rayotganini ko‘rsatmoqda.
