Yashil bananning kutilmagan foydalari aniqlandi
Yashil banan ichak saratonidan himoya qiladi.
Ispaniyalik shifokor Uilyam Arias yashil bananlarning salomatlikka aql bovar qilmaydigan foydalari borligini ma’lum qildi. Uning ta’kidlashicha, ushbu meva kolorektal saraton xavfini sezilarli darajada kamaytiradi.
Ma'lum qilinishicha, yashil bananlar “chidamli kraxmal” deb ataladigan maxsus uglevod turiga boy. Bu modda ingichka ichakda hazm bo‘lmaydi, balki to‘g‘ridan-to‘g‘ri yo‘g‘on ichakka o‘tadi va u yerda foydali bakteriyalarni ko‘paytiruvchi prebiyotik vazifasini bajaradi. Natijada, ichak mikroflorasi normallashadi va yallig‘lanishga qarshi ta’sir ko‘rsatadigan qisqa zanjirli yog‘ kislotalari ishlab chiqariladi. Bu esa hujayralarni xavfli o‘zgarishlardan himoya qiladi.
Bundan tashqari, yashil bananlar: xolesterin darajasini pasaytirishga, 2-toifa diabetning oldini olishga, ortiqcha vaznga qarshi kurashga yordam beradi.
Shifokorning fikricha, aynan yashil yoki ozgina pishgan bananlar eng foydalilaridir. Chunki to‘liq pishgan bananlarga qaraganda kamroq shakar va kaloriyaga ega bo‘lib, xun tolasi miqdorini yuqori darajada saqlab qoladi.
