O‘g‘lining qo‘l va oyoqlarini yoqib jazolagan ayol qamaldi
Sud unga nisbatan hukm eʼlon qildi.
Avvalroq Toshkent viloyatining Olmaliq shahrida yashovchi 1991 yilda tug‘ilgan X.A. ismli ayol 2024 yil 30 oktyabr kuni 2016 yilda tug‘ilgan 8 yoshli o‘g‘li B.A.ni uydagi shirinliklarni ruxsatsiz yeganligi sababli uni go‘yoki jazolash maqsadida barmoqlari orasi va boshqa tana aʼzolariga paxta tiqib, kuydirganligi haqida xabar qilingandi.
Buning natijasida bolaning tanasida 1 va 2-darajadagi kuyish yuzaga kelib, u yengil tan jarohati olgan.
Holat yuzasidan jinoyat ishi qo‘zg‘atilib, ayol X.A. protsessual tartibda ushlangan edi. Sud ishi JIB Olmaliq shahar sudida ko‘rib chiqildi.
Sud hukmiga ko‘ra, sudlanuvchi Jkning 110-moddasi 2-qismi “a” bandida nazarda tutilgan jinoyatni sodir etganlikda aybdor deb topilib, unga nisbatan 2 yil muddatga ozodlikdan mahrum qilish jazosi tayinlandi.
