Jarima ballari 1 maydan kuchga kirmaydi
Ayni paytda tegishli hujjat ishlab chiqilmoqda.
Avvalroq O‘zbekistonda 1 maydan boshlab yo‘l harakati qoidalarini buzganlik uchun jarima ballari hisoblash tizimi ishga tushirilishi rejalashtirilayotgani haqida xabar berilgan edi.
Biroq, YHXX matbuot kotibi Zoyir Yo‘ldoshevning maʼlum qilishicha, jarima ballari tizimi shu sanadan eʼtiboran kuchga kirmaydi.
“Jarima ballarini hisoblash tartibi to‘g‘risidagi normativ-huquqiy hujjat belgilangan tartibda ishlab chiqilmoqda. Shu bois, tegishli normativ-huquqiy hujjat qabul qilinganidan so‘ng, yo‘l harakati qoidabuzarliklari uchun beriladigan jarima ballarining hisoblanish muddati va tartibi aniq belgilanadi”, - deb yozdi u Telegram-kanalida.
Eslatib o‘tamiz, jarima ballari birinchi huquqbuzarlik sodir etilgan kundan boshlab bir yil davomida hisoblanadi. Bir yil o‘tgach, jarima ballari avtomatik ravishda bekor qilinadi.
Agar haydovchi yil davomida 12 balldan ortiq jarima to‘plasa, oxirgi sodir etgan qoidabuzarligi uchun qo‘shimcha jazo sifatida transport vositasini boshqarish huquqidan mahrum qilinadi. Boshqaruv huquqidan mahrum qilish muddati 6 oydan kam bo‘lishi mumkin emas.
