Pokiston harbiy faoliyatni kuchaytirmoqda
Xalqaro hamjamiyat har ikki tomonni vazminlikka chaqirmoqda.
Pokiston Harbiy-havo kuchlari o‘z qiruvchi samolyotlarini Hindistondan ehtimoliy hujumlardan himoya qilish maqsadida mamlakat hududiga chuqurroq joylashtirishda davom etmoqda. Pokiston armiyasi esa Hindiston chegarasi yaqiniga og‘ir harbiy texnika va qurollarni ko‘chirishni kuchaytirmoqda.
Vaziyat keskinlashar ekan, Pokiston temir yo‘llari vaziri Hanif Abbosiy ham keskin bayonot bilan chiqdi. "Pokistonning yadroviy raketalari bezak uchun yaratilmagan. Ular Hindistonga qarshi ishlatilishi uchun ishlab chiqilgan," — dedi u.
Mutaxassislarning fikricha, mintaqadagi vaziyat tarangligi har ikki davlat o‘rtasidagi siyosiy va harbiy ziddiyatlarni yanada kuchaytirishi mumkin. Shu sababli xalqaro hamjamiyat har ikki tomonni vazminlikka chaqirmoqda.
