Xorazmda maktab direktori o‘quvchilarni kaltakladi
Holat yuzasidan MMTB rasmiy munosabat bildirdi.
Ijtimoiy tarmoqlarda Xorazmda maktab direktori o‘quvchilarni kaltaklagani aks etgan video tarqalib, keng muhokamalarga sabab bo‘lgan edi. Holat yuzasidan viloyat Maktabgacha va maktab taʼlimi boshqarmasi Matbuot xizmati rasmiy munosabat bildirdi.
Maʼlum qilinishicha, mazkur holat Qo‘shko‘pir tumanidagi 14-sonli maktabda sodir bo‘lgan.
Maktab direktori dars vaqtida 11-sinf xonasiga kirib, bir necha qizlarni sochini yig‘maganligi sababli ularning sochidan tortib, tanbeh bergan. Buning oqibatida ulardan biri bilan janjallashib ketadi.
Holat yuzasidan maktab direktori vakolatli tashkilotlar tomonidan maʼmuriy javobgarlikka tortilgan.
“Shuningdek, pedagogga xos bo‘lmagan harakatlari uchun “Hayfsan” intizomiy jazo chorasi qo‘llanildi”,- deyiladi xabarda.
