AQSh va Ukraina foydali qazilmalar bo‘yicha kelishuv imzoladi
Unda AQSh mablag‘lari to‘liq himoyalangan.
AQSh Prezidenti Donald Trampning bayonotiga ko‘ra, Qo‘shma Shtatlar va Ukraina o‘rtasida foydali qazilmalarni qazib olish va qayta ishlash bo‘yicha muhim bitim imzolandi. “Bu shunday bitimki, unda AQSh mablag‘lari to‘liq himoyalangan. Endi esa resurslarni qazib olish va zarur ishlarni boshlashimiz mumkin”, — dedi Tramp.
Kelishuv doirasida Ukrainani tiklashga qaratilgan maxsus investitsiya jamg‘armasi tuziladi. Unda quyidagilar nazarda tutilgan:
Jamg‘arma Ukraina hududida foydali qazilmalarni qazib olish va qayta ishlash loyihalarini moliyalashtiradi;
Mablag‘lar faqat Ukrainada ishlatiladi;
AQSh jamg‘armaga to‘g‘ridan-to‘g‘ri sarmoya kiritadi, shuningdek, Ukrainaga ajratiladigan yordamning bir qismi ham ushbu jamg‘armaga yo‘naltiriladi;
Jamg‘arma mablag‘lari yangi beriladigan foydali qazilmalar litsenziyalaridan tushadigan daromadlar hisobidan to‘ldirib boriladi.
