Samarqandda zapravkada yong‘in yuzaga keldi
Fojia oqibatida 2 kishi halok bo‘lgan.
2025-yil 7-may kuni soat taxminan 15:06 da Samarqand viloyatining Kattaqo‘rg‘on tumanidagi “Qushtepa” mahallasida joylashgan “YIGITALI” MChJga qarashli avtomobillarga yoqilg‘i quyish shoxobchasida (AYoQSh) yong‘in yuz berdi.
Voqea joyida yer ustida joylashgan, har biri 10 kub metr hajmdagi ikki dona yoqilg‘i (solyarka) sig‘imiga “ZIL” rusumli yuk mashinasidan yoqilg‘i quyilayotgan paytda yong‘in chiqdi.
Dastlabki ma’lumotlarga ko‘ra, chaqnash natijasida 2 nafar fuqaro vafot etgan, 1 kishi esa tan jarohati olib shifoxonaga yotqizilgan.
Holat yuzasidan tegishli tashkilotlar tomonidan tergovoldi surishtiruv ishlari olib borilmoqda.вы
