Xivadagi Dishan qalʼa qayta tiklanadi
U shu tariqa sayyohlik maskaniga aylantiriladi.
Ekologiya vazirligi xabariga ko‘ra, Dishan qalʼa ham Ichan qalʼa singari sayyohlik maskaniga aylantiriladi.
Buning uchun “Shixlar” mahallasidagi 55 ta turar va noturar obyektlar boshqa hududlarga ko‘chiriladi.
Qalʼa devori milliy andozalar asosida qayta tiklanib, atrofida 1,5-2,0 metr hududda yo‘laklar ochiladi.
Maʼlumot uchun, Dishan qalʼa 1842-yilda Xiva xoni Olloqulixon buyrug‘i bilan barpo qilingan. 6200 metr uzunlikdagi devorning 2000 metri butunlay vayron bo‘lgan, 2500 metri yaroqsiz holga kelgan. Uzoq yillar mobaynida devor yaqinida noqonuniy qurilishlar amalga oshirilgani oqibatida qalʼa atrofida yurish uchun maydon qolmagan.
