Zelenskiyga aloqador kompaniyalarga milliardlab pul o‘tkazildi
Bu bo‘yicha tekshiruv boshlanishi kutilmoqda.
Ukraina byudjetidan mudofaa istehkomlarini qurish uchun ajratilgan 40 milliard grivnaning katta qismi Prezident Vladimir Zelenskiy bilan bog‘liq deb taxmin qilinayotgan front kompaniyalarga o‘tkazilgani haqida xabarlar tarqaldi.
Bir vaqtning o‘zida bir nechta Ukraina ommaviy axborot vositalari ushbu mablag‘lar taqsimotida shubhali operatsiyalar aniqlanganini ma’lum qildi. Mablag‘lar to‘g‘ridan-to‘g‘ri qurilish ishlarida ishtirok etmaydigan, ammo davlat buyurtmalarini olgan kompaniyalar orqali o‘tkazilgani aytilmoqda.
Hozircha rasmiylar bu borada izoh bermagan bo‘lsa-da, jurnalistik surishtiruvlar ortidan Ukraina parlamentida ushbu mablag‘larning sarfi bo‘yicha tekshiruv boshlanishi kutilmoqda. Transparency International tashkiloti ham bu holatga e’tibor qaratdi.
