Tailandda mushuk hibsga olindi
U politsiyaga hujum qilgan.
Tailandda yo‘qolib qolgan amerikalik shorthair mushuk topilib, politsiya bo‘limiga olib kelinganidan so‘ng, u yerda bir nechta ofitserlarga tirnoq va tishlari bilan hujum qilgan. Natijada, mushuk hibsga olinib, hattoki unga "mugshot" — jinoyatchilar singari surat ham olingan.
Politsiyachi Parinda Pakeesuk mushukni stansiyaga olib kelgan fuqarodan qabul qilib olib, unga ovqat, qumli quti va o‘yinchoqlar tayyorlagan. Biroq, “Nub Tang” laqabli bu sho‘x mushuk xizmatdagi xodimlarga o‘z feʼl-atvori bilan tashvish keltirgan. Shunga qaramay, Pakeesuk bu holatni hazil bilan qabul qilib, mushukni uyiga olib ketgan.
Oradan bir kun o‘tib, mushukning egasi politsiyaga murojaat qilgan. U mushukni bayramona kayfiyatda qaytarib olgan. Pakeesuk hazilomuz protokol yozib, mushukni ogohlantirgan. Shu tarzda, mushuk ozod qilindi va voqea ijtimoiy tarmoqlarda millionlab foydalanuvchilarning mehrini qozondi.
