Malta va Fransiya Falastin mustaqilligini tan olmoqchi
Qaror 20 iyun kuni e’lon qilinadi.
Malta bosh vaziri Robert Abela Times of Malta’ga bergan bayonotida, mamlakati yaqin kunlarda Falastin davlatining mustaqilligini rasman tan olishini ma’lum qildi. Ushbu qaror 20 iyun kuni saudiyaliklar va fransiyaliklar tomonidan BMT ko‘magida o‘tkaziladigan xalqaro konferensiyada e’lon qilinadi.
Malta bu borada yakka harakat qilmaydi, chunki Fransiya ham iyun oyida Falastinni tan olishni rejalashtirmoqda. Prezident Emmanuel Makron bu haqda 2025-yil aprel oyida bergan intervyusida “yaqin oylarda” e’lon qilinishini aytgan.
Eslatib o‘tamiz, 2024-yil davomida Norvegiya, Irlandiya, Ispaniya, Sloveniya va Armaniston Falastin davlatining mustaqilligini tan olgan edi.
