Buyuk Britaniya Ukrainaga 100 000 dona dron yetkazib beradi
Jarayon 2026 yilning apreliga qadar yakunlanishi rejalashtirilgan.
Buyuk Britaniya 2026 yil aprel oyigacha Ukrainaga 100 ming dona dron yetkazib berishni rejalashtirmoqda. Bu haqida Britaniya Mudofaa vazirligi rasmiy bayonotida ma’lum qilindi.
Yangi tashabbus doirasida yetkazib beriladigan dronlar razvedka, zarba berish va havo hujumlariga qarshi kurashish kabi harbiy maqsadlarda foydalanilishi ko‘zda tutilgan. Bu qaror dron yetkazib berish hajmini o‘n baravar oshiradi va Ukrainaga ko‘rsatilayotgan harbiy ko‘makda muhim bosqich bo‘ladi.
Britaniya Mudofaa vaziri bu yordam Ukraina Qurolli Kuchlariga jangovar salohiyatni oshirishda muhim turtki bo‘lishini ta’kidladi. Ayni paytda, Britaniya dronlarning ko‘plab qismini o‘z hududida ishlab chiqarishni maqsad qilgan.
