Yaponiyada eskalatorda sayr qilganlarga pul to‘lanmoqda

Yaponiyaning Naoya shahri jamoat transportida xavfsizlikni oshirish maqsadida yangi tartibni joriy etdi. Eskalatorlarda harakatlanmasdan tinch turishni targ‘ib qilayotgan fuqarolarga pul to‘lanmoqda.

 

Yangi tashabbusga ko‘ra, eskalatorlarning har ikki tomonini band qilib, harakatlanmasdan turishni targ‘ib qiluvchi ko‘ngillilar guruhlari tuzilgan. Guruh a’zolari 19 ta temiryo‘l stansiyasida kuniga 6 soat xizmat qiladi. Ular qo‘llarida tinch turishga chaqiruvchi yozuvlar tutib turishadi.

 

Bu ish uchun guruh rahbariga kuniga taxminan 110 dollar, qolgan a’zolarga esa 45 dollargacha haq to‘lanadi. Tashkilotchilarga ko‘ra, bu ayniqsa talabalar va nafaqadagi fuqarolar uchun yaxshi daromad manbaiga aylanishi mumkin.

 

Mahalliy hokimiyat vakillari bunday chora eskalatorlarda yuz beradigan baxtsiz hodisalarni kamaytiradi, ayniqsa bolalar va keksalarni himoya qilishga xizmat qiladi, deb hisoblamoqda.

 

Biroq yangi tartibni tanqid qilayotganlar ham bor — ularning fikricha, bu eskalatorlarda shoshayotgan fuqarolar uchun noqulaylik tug‘diradi va kutish vaqtini uzaytiradi. Tadqiqotlar esa eskalatorlarda harakatni to‘g‘ri boshqarish asosan stansiyaning bandlik darajasiga bog‘liqligini ko‘rsatgan. Shu bois, bu yondashuv doimiy emas, balki sharoitga qarab qo‘llanilishi kerak, deya ta’kidlanmoqda.