Bugun barcha xodimlar ishdan 1 soat erta ketishlari mumkin
Qurbon hayitining birinchi kuni rasmiy dam olish kuni hisoblanadi.
O‘zbekiston Respublikasi Mehnat kodeksining 187-moddasiga ko‘ra, bayram kunlari arafasida kundalik ish (smena) davomiyligi barcha xodimlar uchun kamida 1 soatga qisqartiriladi.
Ertaga, 6-iyun — juma kuni, Qurbon hayitining birinchi kuni bo‘lib, u rasmiy dam olish kuni hisoblanadi. Bugun esa Arofa kuni.
Demak, bugun ishga chiqqan barcha xodimlar ishni 1 soat oldin tugatish huquqiga ega.
Bayram oldidan ish davomiyligini qisqartirish imkoni bo‘lmagan uzluksiz ishlab turadigan tashkilotlarda va ayrim turdagi ishlarda ortiqcha ishlangan vaqt kompensatsiya qilinadi — ya’ni xodimga qo‘shimcha dam olish vaqti beriladi yoki u rozi bo‘lsa, ortiqcha ish uchun belgilangan tartibda haq to‘lanadi.
Dam olish kunlari quyidagicha:
6-iyun (juma) — Qurbon hayiti, barcha uchun dam olish kuni;
7-iyun (shanba) — 5 kunlik ish haftasi uchun odatiy, 6 kunliklar uchun qo‘shimcha dam olish kuni;
8-iyun (yakshanba) — barcha uchun odatiy dam olish kuni;
9-iyun (dushanba) — barcha uchun ish kuni hisoblanadi.
