Yangiyo‘lda MAN 9 yoshli bolani urib yubordi
Holat yuzasidan YHXB rasmiy munosabat bildirdi.
Hodisa 5-iyun kuni soat 11:30 larda Yangiyo‘l tumani Baytish MFY hududidan o‘tgan yo‘lda sodir bo‘lgan. 1995 yilda tug‘ilgan haydovchi “MAN TGS” rusumli yuk avtomobilini boshqarib ketayotgan vaqtida o‘ng tomondan chap tomonga harakatlanib o‘tayotgan velosipedchi — 2016 yilda tug‘ilgan Yu.E. ni urib yuborib yo‘l-transport hodisasi sodir etgan.
Ushbu yo‘l-transport hodisasi natijasida velosipedchi turli ko‘rinishdagi tan jaroxatlari olib shifoxonaga yotkizilgan.
Hozirda holat yuzasidan Yangiyo‘l tumani IIB huzuridagi Tergov bo‘limi tomonidan tergov harakatlari olib borilmoqda.
