Janubiy Koreya prezidenti Pxenyan bilan aloqani tiklaydi
“Janub–Shimol” muloqot tizimi qayta yo‘lga qo‘yiladi.
Janubiy Koreya yangi prezidenti Li Chje Myon Shimoliy Koreya bilan muloqot kanallarini zudlik bilan tiklash topshirig‘ini berdi. Bu haqda Yonhap agentligi xabar berdi.
Prezidentning so‘zlariga ko‘ra, harbiy keskinlikni kamaytirish va yarim orolda tinchlik muhitini yaratish asosiy maqsad hisoblanadi. Shu bois, “Janub–Shimol” muloqot tizimi va inqirozni boshqarish mexanizmlari qayta yo‘lga qo‘yiladi.
Li Chje Myon yarim orolda barqarorlik va farovonlikni taʼminlash uchun barcha choralarni ko‘rishini taʼkidladi. U Koreya xalqlari uchun tinch va yangi davr boshlanishini istashini bildirdi.
Mutaxassislar prezidentning bu bayonotini yarim orolda muzlatilgan aloqalarni jonlantirish yo‘lida muhim qadam, deb baholamoqda.
