AQSh Eron-Isroil urushiga qo‘shilmaydi
Tramp mintaqadagi harbiy keskinlikni kamaytirmoqchi.
Amerikalik rasmiylar AQSh Eron bilan ehtimoliy urushda Isroilga harbiy yordam ko‘rsatmasligini bildirdi. Bu haqda CBS telekanali xabar berdi.
Manbalarga ko‘ra, Donald Trampning “Katta yettilik” sammitini erta tark etishi va Milliy xavfsizlik kengashi yig‘ilishini chaqirgani AQShning Eron bilan to‘g‘ridan-to‘g‘ri harbiy harakatlarga kirishishini anglatmaydi.
The Jerusalem Post nashrining yozishicha, AQSh va Yevropa rasmiylari Eronni uranni boyitishdan voz kechishga va yadroviy dasturdan voz kechish bo‘yicha so‘nggi diplomatik imkoniyatga undashni rejalashtirmoqda.
Mazkur vaziyatda AQShning asosiy maqsadi — mintaqadagi harbiy keskinlikni kamaytirish va diplomatik yo‘l bilan murosaga erishishdir.
