Yevropa Ittifoqi Rossiyaga qarshi sanksiyalarini uzaytirdi
Bu haqda Yevropa Kengashi matbuot xizmati ma’lum qildi.
Yevropa Ittifoqi Rossiyaning Qrim va Sevastopolni noqonuniy anneksiya qilganiga javoban qo‘llanilgan sanksiyalarni 2026-yil 23-iyungacha uzaytirdi. Bu haqda Yevropa Kengashi matbuot xizmati ma’lum qildi.
Bayonotda Yevropa Ittifoqi Rossiyaning Qrimni bosib olishini xalqaro huquq buzilishi deb hisoblashda davom etishi ta’kidlangan. YI Ukrainaning xalqaro e’tirof etilgan chegaralari doirasida suvereniteti va hududiy yaxlitligini qo‘llab-quvvatlaydi.
Ushbu sanksiyalar dastlab 2014-yilda joriy etilgan bo‘lib, Qrimdan mahsulot olib kirish, infratuzilma va moliyaviy investitsiyalar, turizm xizmatlari ko‘rsatish kabi faoliyatlarni taqiqlaydi.
Shuningdek, ayrim tovar va texnologiyalarni Qrimdagi kompaniyalarga eksport qilish, transport, telekommunikatsiya, energetika va qazilma boyliklarni izlash yoki ishlab chiqarish bo‘yicha faoliyatlar ham cheklov ostida qolmoqda.
