“Netanyaxu shafqatsizlikda Gitlerdan ham o‘zib ketdi”
Turkiya Prezidenti Netanyaxuni keskin tanqid qildi.
Turkiya Prezidenti Rajab Toyyib Erdog‘an Isroil Bosh vaziri Benyamin Netanyaxuni keskin tanqid qilib, uni Adolf Gitler bilan taqqosladi. U Netanyaxuning harakatlarini “g‘ayriinsoniylik” deb baholadi va ularni Gitler davridagi Holokost voqealari bilan solishtirdi.
“II Jahon urushi paytidagi eng dahshatli surat va videolar ham G‘azo sektoridan olingan kadrlar oldida ojiz. Germaniyada fashistlar Holokost vaqtida ham bu darajadagi vahshiylikka bormagan”, — dedi Erdog‘an.
Turkiya yetakchisining fikricha, Netanyaxu tomonidan amalga oshirilayotgan harbiy harakatlar g‘arblik davlatlar tomonidan ko‘r-ko‘rona qo‘llab-quvvatlanmoqda.
Erdog‘an bayonotida Netanyaxuning harakatlarini genotsid deb atab, u “shafqatsizlikda Gitlerdan ham o‘zib ketdi”, deya ta’kidladi.
