“Men Eron Oliy rahbarini o‘limdan qutqardim”
Tramp Xomanaeiy’ni “sharmandali o‘limdan” qutqarganini ma'lum qildi.
AQSh prezidenti Donald Tramp o‘zining Truth Social’dagi bayonotida Eron Oliy rahbari Oyatulloh Ali Xomanaeiy haqida keskin fikr bildirdi. U Eron yetakchisining AQSh va Isroil ustidan “g‘alaba qozondik” degan so‘zlarini yolg‘on deb atadi.
Trampga ko‘ra, u avval Isroilning Eronni bombardimon qilishga jo‘natgan samolyotlarini to‘xtatib, Xomanaeiy’ni “sharmandali o‘limdan” qutqargan. “U menga rahmat aytmasa ham bo‘ladi”, — dedi u.
Shuningdek, Tramp Eron bilan sanksiyalarni bekor qilish yo‘lida muzokaralar olib borganini, ammo Xomanaeiy’ning “nafratga to‘la” bayonotidan keyin bu ishlarni to‘xtatganini ma’lum qildi.
Reuters agentligining yozishicha, Tramp Isroilning Xomanaei’ni yo‘q qilish rejasiga qarshi chiqib, unga “veto” qo‘ygan.
