"Fitch Ratings" "Issiqlik elektr stansiyalari" AJ reytingini “BB-”dan “BB”ga oshirdi
Ushbu reyting ko‘tarilishi 2018-yildan beri birinchi marta kuzatilmoqda.
2025-yil 1-iyul kuni “Fitch Ratings” xalqaro reyting agentligi “Issiqlik elektr stansiyalari” aksiyadorlik jamiyatining xalqaro kredit reytingini barqaror prognoz bilan “BB” darajaga ko‘tardi. Bu baho O‘zbekistonning suveren kredit reytingi bilan tenglashtirildi. Bu haqda O'zbekiston Respublikasi Energetika Vazirligi xabar berdi.
Ushbu reyting ko‘tarilishi 2018-yildan beri birinchi marta kuzatilmoqda. Agentlik hisobotida kompaniyaning iqtisodiy barqarorlikni saqlab qolish yo‘lida erishgan natijalari, shaffof moliyaviy boshqaruvi va aniq biznes strategiyasi alohida ta’kidlangan.
Avvalroq, 2025-yil 26-iyun kuni Fitch O‘zbekiston Respublikasining suveren kredit reytingini ham “BB-”dan “BB”ga oshirgan va uni barqaror deb baholagandi.
Mazkur baholash “Issiqlik elektr stansiyalari” AJning xalqaro investitsiya bozoridagi ishonchliligini mustahkamlab, korxonaning kuchli pozitsiyasini tasdiqlaydi.
