Andijonda ikki bola hovuzda cho‘kib ketib, vafot etdi
Bosh prokuratura matbuot xizmati zamon.uz’ga hodisa tafsilotlarini ma’lum qildi.
Oltinko‘l tumanida 9 yoshli ikki bola hovuzdagi suvga cho‘kib, vafot etdi. Bu haqda zamon.uz’ga Bosh prokuratura matbuot xizmati ma’lum qildi.
Qayd etilishicha, voyaga yetmagan A.U. va M.M. joriy yilning 5 iyul kuni soat 14:00larda Oltinko‘l tumani Turkiston massividagi joylashgan “Jaloliddin oltin tolasi” fermer xo‘jaligiga qarashli tomchilab sug‘orish tizimi uchun qazilgan hovuzga cho‘milish uchun tushib, suvda cho‘kib, hodisa joyida vafot etgan.
Hozirda tuman prokuraturasi tomonidan voyaga yetmagan bolalarning cho‘kib vafot etganlik holati yuzasidan tergovga qadar tekshiruv harakatlari olib borilmoqda.
