Tukiya va Eron Suriya suverenitetini qo'llab-quvvatlaydi, AQSH tomonlarni bosiqlikka chaqirmoqda, BMT esa...

So‘nggi kunlarda Suriya va Isroil o‘rtasida keskinlik kuchaygani xalqaro hamjamiyatni tashvishga soldi. AQSh prezidenti Donald Tramp bu borada har ikki tomon bilan suhbatlashganini aytib, vaziyatni yumshatishga chaqirdi. "Biz Suriya va Isroil o‘rtasida tushunmovchilik borligini bilamiz. Har ikki tomon bilan gaplashdim, endi esa mojaro chuqurlashmasligi uchun harakat qilmoqdamiz", dedi Tramp. Bu haqda The Washington post xabar qilgan.

 

Reuters xabariga ko'ra, Turkiya tashqi ishlar vaziri Xoqon Fidan ham vaziyat yuzasidan o‘z pozitsiyasini bildirdi. Uning so‘zlariga ko‘ra, Anqara Suriya barqarorligiga tahdid soluvchi siyosatlarga toqat qilmaydi. "Biz Suriya xalqaro hamjamiyat tomonidan tan olinishi uchun jiddiy harakatlar qildik. Ammo Isroilning Damashqqa uyushtirayotgan hujumlari bu jarayonni to‘xtatib qo‘ymoqda", dedi Fidan.

 

Eron tashqi ishlar vaziri Abas Arokchi ham Tehronning Suriya masalasidagi pozitsiyasini tasdiqladi. "Eron har doim Suriya suvereniteti va hududiy yaxlitligini qo‘llab-quvvatlab keladi. Biz Suriya xalqining yonidamiz va shunday bo‘lib qoladi", dedi Eron diplomati.

 

Birlashgan Millatlar Tashkiloti Bosh kotibi Antoniu Guterrish Isroilning Suriya hududiga havo hujumlarini qoralaydi, Arab Respublikasi suvereniteti va hududiy yaxlitligini buzishni to‘xtatishga chaqiradi. Bu haqda jahon tashkiloti rahbarining rasmiy vakili Stefan Dyujarrik brifingda maʼlum qildi.

 

"Bosh kotib Isroilning As-Suvayda va Suriya poytaxti Damashqqa havo hujumlari kuchayayotganini, shuningdek, Isroil armiyasi kuchlarining Golan tepaliklarida qayta joylashtirilishi haqida xabar berilganini qoralaydi. U Suriya suvereniteti va hududiy yaxlitligiga qarshi har qanday qoidabuzarliklarni zudlik bilan to‘xtatishga chaqiradi", - dedi BMT Bosh kotibi.