Sho‘rchida erkak turmush o‘rtog‘i ko‘z o‘ngida pichoqlab o‘ldirildi

2025-yil 16-iyul kuni Surxondaryo viloyati, Sho‘rchi tumanida joylashgan markaziy dehqon bozorida fuqaro Elbek Eshmatov bir guruh shaxslar tomonidan og‘ir tan jarohatlari yetkazilishi oqibatida vafot etdi. Voqea ko‘plab guvohlar, jumladan marhumning turmush o‘rtog‘i ko‘z o‘ngida sodir bo‘lgan.

 

Mazkur hodisa yuzasidan Surxondaryo viloyati prokuraturasi tomonidan O‘zbekiston Respublikasi Jinoyat kodeksining 97-moddasi (qasddan odam o‘ldirish) bilan jinoyat ishi qo‘zg‘atilgan. Hozirda gumonlanuvchi sifatida jalb qilingan ikki shaxsga nisbatan qamoqqa olish ehtiyot chorasi qo‘llanilgan.

 

Surishtiruv jarayonlari davom etar ekan, jinoyat ishi prokuratura organlari tomonidan alohida nazoratga olingani ma’lum qilindi.

 

Voqeaga aloqador marhumaning turmush o‘rtog‘i ijtimoiy tarmoqlar orqali qilgan murojaatida, ayblanuvchilar — Buriyev Ulug‘bek, uning sherigi Karim ismli shaxs, onasi Dilorom va jiyani Ozodbek tomonidan bir necha bor tahdidlar bo‘lganini bildirgan. Uning aytishicha, bu haqda tegishli huquqni muhofaza qiluvchi organlarga oldindan murojaat qilingan, biroq amalda hech qanday chora ko‘rilmagan.

 

Ayni vaqtda jinoyatga aloqador barcha shaxslarni aniqlash, ularning harakatlariga huquqiy baho berish bo‘yicha tergov harakatlari olib borilmoqda.