Qozog‘iston va O‘zbekiston o‘rtasida maxfiy tunnel topildi
U orqali neft mahsulotlari kontrabanda qilingan.
Qozog‘iston va O‘zbekiston xavfsizlik idoralarining qo‘shma operatsiyasi natijasida xalqaro jinoiy guruhning ikki davlat o‘rtasida neft mahsulotlarini kontrabanda qilish uchun yerosti tunnelini qurgani fosh bo‘ldi. Bu haqida Qozog‘iston byurosi Moliyaviy monitoring agentligi (AFM) matbuot xizmati xabar berdi.
"Qozog‘iston va O‘zbekiston o‘rtasidagi chegara hududida bir guruh shaxslar uzunligi 450 metr bo‘lgan yer osti tunnelini qurgan. Noqonuniy faoliyat ikki oy davomida amalga oshirilgan. Bu davrda jinoiy guruh barqaror kontrabanda sxemasini, jumladan, xorijdan moliyalashtirish, logistika va yoqilg‘i-moylash materiallari eksportini yo‘lga qo‘ygan", — deyiladi agentlik xabarida.
O‘tkazilgan tezkor tadbir davomida jinoiy sxemaning barcha ishtirokchilari, jumladan, O‘zbekiston fuqarolari aniqlandi. Qozog‘istonning besh fuqarosi gumonlanuvchi sifatida qo‘lga olingan.
Hozirda tergov yakunlanib, ish sudga yuborilgan.
