Rossiyada ikki nafar o‘zbekistonlik qurilishda vafot etdi
Qurilish vaqtida ikkinchi qavatning beton plitasi qulab tushgan.
Rossiyada ikki nafar o‘zbekistonlik qurilish obyektidagi devorlardan birining qulashi oqibatida halok bo‘ldi. Bu haqida Leningrad viloyati Tergov qo‘mitasiga xabar berdi.
Maʼlumotlarga ko‘ra, hodisa Leningrad viloyati Vsevolojsk tumanidagi uy qurilishi vaqtida sodir bo‘lgan. Huquq-tartibot idoralari xodimlari hududdan 43 va 61 yoshli ikki erkakning jasadini topgan.
Dastlabki maʼlumotlarga ko‘ra, har ikki muhojir Rossiyaga xorijdan kelib, tegishli shartnoma tuzmasdan, norasmiy ravishda mazkur obektda ishlagan. Halok bo‘lganlar O‘zbekiston fuqarolari, ammo ular migratsiya organlarida ro‘yxatga olinmagan.
Yana bir 37 yoshli erkak og‘ir tan jarohatlari bilan shifoxonaga yetkazilgan. Voqea joyida bo‘lgan ishchi huquq-tartibot idoralariga ish yer egasi bilan og‘zaki kelishuv asosida olib borilayotganini aytgan.
Hozirda holat yuzasidan ekspertiza tayinlangan, tergov harakatlari olib borilmoqda.
