Kamchatkadagi o‘zbekistonliklar ogohlantirildi
Bir kechada hududda 200 dan ortiq yerosti silkinishlari yuz berdi.
Rossiyaning Kamchatka yarimoroli qirg‘oqlarida 6,3 magnitudali zilzila qayd etildi. Bu haqida mahalliy nashrlar yozmoqda.
Qayd etilishicha, zilzila epitsentri Petropavlovsk-Kamchatskiydan 178 km sharqda joylashgan, epitsentr 39,4 km chuqurlikda joylashgan.
Shuningdek, 30 iyuldan 31 iyulga o‘tar kechasi seysmologlar 200 dan ortiq yerosti silkinishlarini qayd etishgan.
Kamchatka Sog‘liqni saqlash boshqarmasi bergan maʼlumotga ko‘ra, zilzila vaqtida jabrlangan fuqarolar shifokorlar nazoratida, barcha bemorlarga zarur yordam ko‘rsatilmoqda, jiddiy jarohatlanganlar qayd etilmagan. Jabrlanganlar orasida O‘zbekiston fuqarolari yo‘q.
Rossiya Favqulodda vaziyatlar vazirligi sunami xavfi sabab Kamchatka o‘lkasi va Saxalin viloyati qirg‘oqlaridagi aholiga yuqoriroq hududlarga chiqishni va suvga yaqinlashmaslikni tavsiya qildi.
Zarurat tug‘ilsa, fuqarolar O‘zbekistonning Vladivostokdagi Bosh konsulxonasiga quyidagi murojaat qilishlari eslatib o‘tilgan.
