Shavkat Mirziyoyev rafiqasi bilan Tyanjinda o‘tkazilgan ShHT sammiti tadbirlarida qatnashdi
Tadbirda ShHTga a’zo va kuzatuvchi davlatlar rahbarlari hamda BMT Bosh kotibi ishtirok etdi.
31-avgust kuni O‘zbekiston Respublikasi Prezidenti Shavkat Mirziyoyev turmush o‘rtog‘i bilan birga Xitoyning Tyanjin shahridagi “Meytszyan” kongress markazida o‘tkazilgan Shanxay hamkorlik tashkiloti sammitining norasmiy tadbirlarida ishtirok etdi.
Mazkur tadbirlarda Xitoy Xalq Respublikasi Raisi Si Szinpin, Rossiya Federatsiyasi Prezidenti Vladimir Putin, Belarus Respublikasi Prezidenti Aleksandr Lukashenko, Hindiston Respublikasi Bosh vaziri Narendra Modi, Pokiston Islom Respublikasi Bosh vaziri Shahboz Sharif, Eron Islom Respublikasi Prezidenti Mas’ud Pezeshkian, Qozog‘iston Respublikasi Prezidenti Qasim-Jomart To‘qayev, Qirg‘iz Respublikasi Prezidenti Sadir Japarov, Tojikiston Respublikasi Prezidenti Emomali Rahmon, Turkiya Respublikasi Prezidenti Rajab Toyyib Erdo‘g‘an, Turkmaniston Prezidenti Serdar Berdimuhammedov, Ozarbayjon Respublikasi Prezidenti Ilhom Aliyev, Mo‘g‘uliston Prezidenti Uxnaagiyn Xurelsux, shuningdek Misr, Kambodja, Nepal, Armaniston hukumatlari rahbarlari va BMT Bosh kotibi Antoniu Guterrish ham qatnashdi.
O‘zbekiston rahbari va turmush o‘rtog‘ini Xitoy Raisi Si Szinpin va uning rafiqasi samimiy kutib oldi. Tadbir yakunida xorijiy yetakchilarga Shanxay hamkorlik tashkilotining Tyanjin sammitiga bag‘ishlangan madaniy dastur taqdim etildi.
