Ukraina Rossiyadagi harbiy korxonaga hujumi uyushtirdi
Hujum vaqtida Ukraina tomoni to‘rtta raketa uchirgan.
Ukraina Qurolli Kuchlari Bosh shtabi maʼlumotiga ko‘ra, Bryansk viloyati, Karachev tumanida joylashgan “Elektrodetal” zavodiga raketa zarbasi berildi. Ukraina tomoni ushbu korxona harbiy ehtiyojlar uchun mahsulot ishlab chiqarganini taʼkidladi.
Guvohlar xabar berishicha, hodisa joyida portlashlar sodir bo‘lgan va yong‘in yuzaga kelgan. Hozirga qadar qurbonlar yoki jabrlanganlar haqida rasmiy maʼlumotlar eʼlon qilinmagan.
Bosh shtab maʼlumotida qayd etilishicha, hujum vaqtida Ukraina tomoni to‘rtta raketa uchirgan, ularning ehtimoliy uchish masofasi 240 kilometrdan ortiq bo‘lgan. Hujumda qaysi turdagi raketalar ishlatilgani haqida aniqlik kiritilmadi.
Hodisaning sabablari va oqibatlarini aniqlash bo‘yicha joyida tekshiruv ishlari olib borilmoqda,
