“Barselona” muxlislarining avtobusi yonib ketdi
Hodisa “Bryussel” — “Barselona” uchrashuvi oldidan sodir bo‘lgan.
5 noyabr kuni Belgiya shahrida “Barselona” muxlislarini olib ketayotgan avtobus yo‘l o‘rtasida yonib ketdi. Hodisa Chempionlar Ligasi doirasidagi “Bryussel” — “Barselona” uchrashuvi oldidan sodir bo‘ldi.
Mahalliy favqulodda xizmatlarning xabar berishicha, avtobusning orqa qismidan birdaniga tutun chiqa boshlagan va olov tezda avj olgan. Haydovchi darhol transportni to‘xtatib, yo‘lovchilarga avtobusni tark etishni buyurgan. Muxlislar o‘z vaqtida tashqariga chiqqani bois jiddiy jarohat olganlar qayd etilmadi.
Dastlabki ma’lumotlarga ko‘ra, yong‘inga avtobus ichida yoqilgan pirotexnika sabab bo‘lgan bo‘lishi mumkin. Politsiya hodisa yuzasidan surishtiruv boshladi va pirotexnika ishlatganlikda gumon qilinayotgan bir shaxsni hibsga oldi.
