“O‘zbekiston Yaponiya va Janubiy Koreya singari rivojlanib borayotgan kuchli jamoa hisoblanadi”, — Irlandiya U-17 bosh murabbiyi
U-17 jahon chempionati guruh bosqichi 2-turidan o‘rin olgan o‘yinda (2:1) Irlandiya bosh murabbiyi Colin O'Brayen o‘z fikrlarini bildirdi.
U-17 jahon chempionati guruh bosqichi 2-turida Irlandiya U-17 jamoasi 2:1 hisobida O‘zbekistonga qarshi g‘alaba qozondi. O‘yindan so‘ng Irlandiya bosh murabbiyi Colin O'Brayen quyidagilarni ta’kidladi:
"G‘alabadan judayam xursandman. Chinakam futbol guvohiga aylandik. O‘zbekiston Osiyoda Yaponiya va Janubiy Koreya singari rivojlanib borayotgan kuchli jamoa hisoblanadi. Ularning o‘yinchilari tezkor, xavfli va qarshi hujumlarda juda mahoratli.
Ba’zi paytlarda bizga sabr-toqat bilan himoyalanishga to‘g‘ri keldi. Bitta gol o‘tkazib yubordik, ammo e’tiborimizni yo‘qotmadik, o‘yinni nazoratga ola boshladik. Ulkan lahzalar, yetuk o‘yinchilar, qadr-qiymatli gollar – barchasi joyida edi.
Hisobda ortda qolganimizdan so‘ng hech qanday vahima bo‘lmadi, futbolchilar rejaga sodiq qoldi. Chap qanotdan hujum uyushtirish imkonimiz borligini his qildik. Gradi tomonidan o‘z vaqtida oldinga yurish amalga oshirildi va shu orqali hisobni tenglashtirdik.
Bunday lahzadan zavqlanish muhim. Guruhdagi yakuniy o‘rinlar hali hal bo‘lganicha yo‘q. Haddan tashqari xursandchilikka berilmaymiz – shunchaki Paragvayga qarshi o‘yinga jiddiy tayyorgarlikni davom ettiramiz", dedi 50 yoshli mutaxassis.
