O'zbekiston

Navoiyda 15,5 mlrd so‘mlik oltinni noqonuniy oltin qazib olgan jinoiy guruh qo‘lga olindi

Jinoiy guruh bir necha oy davomida noqonuniy faoliyat olib borib, sun’iy hovuzlar va ag‘darma maydonlarini tashkil qilgan hamda tarkibida oltin mavjud bo‘lgan tog‘ jinslarini to‘plash bilan shug‘ullangan.

Navoiyda 15,5 mlrd so‘mlik oltinni noqonuniy oltin qazib olgan jinoiy guruh qo‘lga olindi

 

Navoiy viloyatining Navbahor tumanida oltinni noqonuniy qazib olish bilan shug‘ullangan jinoiy guruh faoliyati fosh etildi. Bu haqda Ichki ishlar vazirligi matbuot xizmati ma’lum qildi.

 

Qayd etilishicha, 2025-yilning yoz oylarida Navbahor tumani “Qalqonota” mahalla fuqarolar yig‘ini hududida joylashgan Sarmishsoy tog‘ tizmasidagi yer maydonlarida bir guruh shaxslar tomonidan ruxsatsiz oltin qazib olish ishlari yo‘lga qo‘yilgan. Jinoiy guruh bir necha oy davomida noqonuniy faoliyat olib borib, sun’iy hovuzlar va ag‘darma maydonlarini tashkil qilgan hamda tarkibida oltin mavjud bo‘lgan tog‘ jinslarini to‘plash bilan shug‘ullangan.

 

2025-yil oktabr oyida Ichki ishlar vazirligi Shaxsiy xavfsizlik bosh boshqarmasining Navoiy viloyati bo‘yicha bo‘limi, viloyat Ichki ishlar boshqarmasi tezkor-qidiruv xizmati hamda Davlat xavfsizlik xizmati Navoiy viloyati bo‘yicha boshqarmasi xodimlari hamkorligida tezkor tadbir o‘tkazilib, mazkur noqonuniy faoliyatga chek qo‘yildi va oltin qazib olish bilan shug‘ullangan shaxslar qo‘lga olindi.

 

Tezkor tadbirlar davomida jinoyat alomatlarini tasdiqlovchi qum uyumlari, sun’iy hovuzlar, ag‘darma maydonlari va turli buyumlar belgilangan tartibda rasmiylashtirib olindi. Dastlabki hisob-kitoblarga ko‘ra, jinoiy guruh tomonidan tarkibida 9 kilogramm 928 gramm oltin moddasi mavjud bo‘lgan, umumiy qiymati 15 milliard 551 million 219 ming so‘mlik tog‘ jinslari o‘zlashtirilgan.

 

Mazkur holat yuzasidan Navoiy viloyati Ichki ishlar boshqarmasi huzuridagi tergov boshqarmasi tomonidan O‘zbekiston Respublikasi Jinoyat kodeksining 196-2-moddasi 3-qismi “a” bandi (foydali qazilmalarni ruxsatnomasiz, juda ko‘p miqdorda zarar yetkazgan holda qazib olish) bilan jinoyat ishi qo‘zg‘atilib, tergov harakatlari olib borilmoqda.

 

Mazkur moddaga ko‘ra, aybdor shaxslar bazaviy hisoblash miqdorining 300 baravaridan 500 baravarigacha jarima yoki 3 yildan 5 yilgacha ozodlikni cheklash yoxud 3 yildan 5 yilgacha ozodlikdan mahrum qilish jazosi bilan jazolanishi mumkin.

 

Hozirda uyushgan jinoiy guruhning boshqa jinoyatlarga aloqadorligi, a’zolari hamda ularning vazifalarini aniqlash bo‘yicha tezkor-surishtiruv ishlari davom ettirilmoqda.

Maktablarda sport rivojlantiriladi: olimpiya sport turlari bo‘yicha to‘garaklar ochiladi

Maktablarda sport rivojlantiriladi: olimpiya sport turlari bo‘yicha to‘garaklar ochiladi

2027-yildan sport musobaqalari g‘oliblariga diplom va sertifikatlar elektron shaklda beriladi.

O‘zbekiston va O‘mon yetakchilari oliy davlat mukofotlari bilan taqdirlandi

O‘zbekiston va O‘mon yetakchilari oliy davlat mukofotlari bilan taqdirlandi

Shavkat Mirziyoyev Sultonlikning oliy davlat mukofoti – “Ol Said” ordeni bilan taqdirlandi.

Prezident Shavkat Mirziyoyev va Sulton Haysam bin Toriq Ol Said uchrashuv o‘tkazdi

Prezident Shavkat Mirziyoyev va Sulton Haysam bin Toriq Ol Said uchrashuv o‘tkazdi

O‘zbekiston va O‘mon o‘rtasidagi munosabatlar keyingi yillarda faol rivojlanayotgani qayd etildi.

Chilonzorda Nexia-3 daraxtga urildi: uch kishi halok bo‘ldi

Chilonzorda Nexia-3 daraxtga urildi: uch kishi halok bo‘ldi

YTHga avtomobil rul boshqaruvida yuzaga kelgan texnik nosozlik sabab bo‘lgan.

Prezident Shavkat Mirziyoyev davlat tashrifi bilan O‘monga bordi

Prezident Shavkat Mirziyoyev davlat tashrifi bilan O‘monga bordi

Prezidentni O‘mon Sultoni Haysam bin Toriq Ol Said va sultonlikning yuqori darajali rasmiylari kutib oldi.

Renovatsiya evaziga 1 ta uy o‘rniga 2 ta xonadon: Toshkentda yangi imkoniyat

Renovatsiya evaziga 1 ta uy o‘rniga 2 ta xonadon: Toshkentda yangi imkoniyat

Uy-joy masalasini hal etishning yana bir varianti sifatida mulkdorlarga Yangi Toshkent hududidan xonadon ajratish taklif etilishi mumkin.

Buxoroda o‘quvchilar majburiy mehnatga jalb qilindimi? Maktab boshqarmasi izoh berdi

Buxoroda o‘quvchilar majburiy mehnatga jalb qilindimi? Maktab boshqarmasi izoh berdi

Maktabning tom qismi qulab tushgan, boshqa xonalarida ham konstruktiv nuqsonlar aniqlan bo'lib, bino foydalanishga yaroqsiz deb topilgan.

22 daraja iliq bo‘ladi: hafta davomida ob-havo qanday o‘zgaradi?

22 daraja iliq bo‘ladi: hafta davomida ob-havo qanday o‘zgaradi?

Toshkent shahrida hafta davomida yog‘ingarchilik kutilmaydi.