O'zbekiston

Kredit kechikishi banklar uchun daromad manbaiga aylanmasligi kerak — Markaziy bank

Ayrim banklarda kredit to‘lovlari kechiktirilganda foizlar 180 foizgacha oshirilayotgani aniqlanib, Markaziy bank bunday amaliyot bank tizimiga ishonchni pasaytirishini taʼkidladi.

Kredit kechikishi banklar uchun daromad manbaiga aylanmasligi kerak — Markaziy bank

 

Markaziy bank tomonidan tijorat banklari tuzayotgan kredit shartnomalarida to‘lovlar kechiktirilgan taqdirda qo‘llanilayotgan jarima va moliyaviy sanksiyalar tahlil qilindi. O‘rganishlar natijasida ayrim banklar amaliyotida adolat va mutanosiblik tamoyillariga zid holatlar aniqlanib, ularga rasmiy ogohlantirish xatlari yuborildi. Bu haqda Markaziy bank matbuot xizmati xabar berdi.

 

Tahlil jarayonida ayrim tijorat banklarida:

  • kechiktirilgan to‘lovlar uchun hisoblanadigan foiz stavkalari shartnomada belgilangan yillik stavkadan bir necha barobarga oshib, ayrim holatlarda 150–180 foizgacha yetayotgani;
  • kredit foizlarini kech to‘lash holatlarida eng yuqori chegarasi belgilanmagan kunlik penya qo‘llanilayotgani;
  • kreditorning real xarajatlari bilan bog‘liq bo‘lmagan qo‘shimcha bir martalik jarimalar undirilayotgani aniqlangan.

 

Shuningdek, ayrim holatlarda oshirilgan foiz stavkasi, penya va bir martalik jarimalar bir vaqtning o‘zida qo‘llanilib, qarz oluvchilar zimmasiga ortiqcha moliyaviy yuk yuklanayotgani qayd etilgan. Natijada to‘lovni kechiktirish bilan bog‘liq umumiy xarajatlar kreditni o‘z vaqtida xizmat ko‘rsatish qiymatidan bir necha barobar oshib ketmoqda.

 

Markaziy bankning taʼkidlashicha, bunday amaliyot kreditor uchun qarzni o‘z vaqtida undirishdan ko‘ra, kechikish holatidan moliyaviy foyda olishni rag‘batlantiruvchi iqtisodiy modelni shakllantirmoqda. Bu esa kredit shartlarining shaffofligi va ochiqligiga putur yetkazadi hamda qarz oluvchilarning kredit olish paytidagi real moliyaviy xavflarni to‘liq baholashiga to‘sqinlik qiladi.

 

Markaziy bank ushbu holatlar tomonlar manfaatlari muvozanatini buzishi, ijtimoiy xatarlarni kuchaytirishi, fuqarolarning murojaatlari sonini oshirishi hamda bank tizimiga bo‘lgan ishonchni pasaytirishi mumkinligini qayd etdi.

 

Shu munosabat bilan tijorat banklariga:

  • kechiktirilgan majburiyatlar uchun qo‘llaniladigan sanksiyalar kompensatsion xarakterga ega bo‘lishi;
  • to‘lovni kechiktirish oqibatlari qarz oluvchilar uchun oldindan aniq va tushunarli tarzda belgilanishi;
  • kredit shartnomalarida javobgarlik choralarini adolat va mutanosiblik tamoyillari asosida belgilash tavsiya etildi.
Maktablarda sport rivojlantiriladi: olimpiya sport turlari bo‘yicha to‘garaklar ochiladi

Maktablarda sport rivojlantiriladi: olimpiya sport turlari bo‘yicha to‘garaklar ochiladi

2027-yildan sport musobaqalari g‘oliblariga diplom va sertifikatlar elektron shaklda beriladi.

O‘zbekiston va O‘mon yetakchilari oliy davlat mukofotlari bilan taqdirlandi

O‘zbekiston va O‘mon yetakchilari oliy davlat mukofotlari bilan taqdirlandi

Shavkat Mirziyoyev Sultonlikning oliy davlat mukofoti – “Ol Said” ordeni bilan taqdirlandi.

Prezident Shavkat Mirziyoyev va Sulton Haysam bin Toriq Ol Said uchrashuv o‘tkazdi

Prezident Shavkat Mirziyoyev va Sulton Haysam bin Toriq Ol Said uchrashuv o‘tkazdi

O‘zbekiston va O‘mon o‘rtasidagi munosabatlar keyingi yillarda faol rivojlanayotgani qayd etildi.

Chilonzorda Nexia-3 daraxtga urildi: uch kishi halok bo‘ldi

Chilonzorda Nexia-3 daraxtga urildi: uch kishi halok bo‘ldi

YTHga avtomobil rul boshqaruvida yuzaga kelgan texnik nosozlik sabab bo‘lgan.

Prezident Shavkat Mirziyoyev davlat tashrifi bilan O‘monga bordi

Prezident Shavkat Mirziyoyev davlat tashrifi bilan O‘monga bordi

Prezidentni O‘mon Sultoni Haysam bin Toriq Ol Said va sultonlikning yuqori darajali rasmiylari kutib oldi.

Renovatsiya evaziga 1 ta uy o‘rniga 2 ta xonadon: Toshkentda yangi imkoniyat

Renovatsiya evaziga 1 ta uy o‘rniga 2 ta xonadon: Toshkentda yangi imkoniyat

Uy-joy masalasini hal etishning yana bir varianti sifatida mulkdorlarga Yangi Toshkent hududidan xonadon ajratish taklif etilishi mumkin.

Buxoroda o‘quvchilar majburiy mehnatga jalb qilindimi? Maktab boshqarmasi izoh berdi

Buxoroda o‘quvchilar majburiy mehnatga jalb qilindimi? Maktab boshqarmasi izoh berdi

Maktabning tom qismi qulab tushgan, boshqa xonalarida ham konstruktiv nuqsonlar aniqlan bo'lib, bino foydalanishga yaroqsiz deb topilgan.

22 daraja iliq bo‘ladi: hafta davomida ob-havo qanday o‘zgaradi?

22 daraja iliq bo‘ladi: hafta davomida ob-havo qanday o‘zgaradi?

Toshkent shahrida hafta davomida yog‘ingarchilik kutilmaydi.