Navoiyda YTH oqibatida 4 kishi vafot etdi
Fojiaga haydovchining quvib o‘tish qoidasini buzishi sabab bo‘lgan.
Konimex tumanida 4 kishining o‘limiga sabab bo‘lgan YTH sodir bo‘ldi. Bu haqida “Millar” dasturida xabar berildi.
Ma’lum qilinishicha, YTH 22 fevral kuni Konimex tumani hududida, “Navoiy–Zarafshon–Uchquduq” avtomobil yo‘lida sodir bo‘lgan. Nexia haydovchisi o‘zi bilan bir yo‘nalishda harakatlanayotgan avtomobilni quvib o‘tishga uringan. Ammo bunga ulgurmasdan qarama-qarshi yo‘nalishda kelayotgan yuk mashinasi bilan to‘qnashgan.
Nexia mashinasi tezligi belgilangan cheklovdan yuqori bo‘lgani aytilmoqda. YTH oqibatida 2 kishi voqea joyida, yana 2 kishi esa shifoxonada vafot etgan.
Hozirda holat yuzasidan jinoyat ish qo‘zg‘atilib, tergov harakatlari olib borilmoqda.
