Yaqin Sharqdan 21 mingdan ortiq O‘zbekiston fuqarosi vatanga qaytarildi — TIV
Hozirda evakuatsiya asosan havo hududi ochiq bo‘lgan mamlakatlardan amalga oshirilmoqda.
O‘zbekiston Tashqi ishlar vazirligi matbuot xizmati xabar berishicha, 9-mart kuni ertalab holatiga ko‘ra, Yaqin Sharq mintaqasidan jami 21 712 nafar O‘zbekiston fuqarosi xavfsiz tarzda vataniga qaytarilgan.
Xususan:
Saudiya Arabistoni – 17 963 nafar;
Birlashgan Arab Amirliklari (BAA) – 3 290 nafar;
Qatar – 378 nafar;
Eron – 47 nafar;
Bahrayn – 27 nafar;
Oʻmon – 7 nafar.
TIV ta’kidlashicha, vatandoshlarni qaytarish tizimli va bosqichma-bosqich amalga oshirilmoqda. Hozirda evakuatsiya asosan havo hududi ochiq bo‘lgan mamlakatlardan amalga oshirilmoqda va barcha zarur konsullik yordamlar ko‘rsatilmoqda.
