AQSH Yaqin Sharqqa 5 000 nafar dengiz piyodasi va qo‘shimcha harbiy kemalarni yuboradi
Shuningdek, AQSH dengiz flotining amfibiya jangovar kemasi USS Tripoli ham Yaqin Sharqqa yo‘naltirilmoqda.
The Wall Street Journal’ning AQSH rasmiylariga tayanib xabar berishicha, Pentagon Ho‘rmuz bo‘g‘ozida Eron tomonidan hujumlar kuchayib borayotgani sababli Yaqin Sharqqa dengiz piyodalarining ekspeditsion birlashmasi va qo‘shimcha jangovar kemalarni yo‘naltirmoqda.
Pentagon rahbari Pit Hegset AQSH Markaziy qo‘mondonligining mintaqaga desant kemalari guruhining bir qismini va unga biriktirilgan dengiz piyodalari ekspeditsion batalonini ko‘chirish haqidagi so‘rovini ma’qullagan. Bunday birlashma odatda bir nechta jangovar kema va taxminan 5000 nafar dengiz piyodasidan iborat bo‘ladi.
Hozirda Yaponiyada joylashgan USS Tripoli AQSH dengiz flotining amfibiya jangovar kemasi Yaqin Sharqqa yo‘naltirilmoqda. Bunday safar odatda ikki hafta davom etadi.
28-fevralda AQSH-Iroil va Eron urushi boshlanganidan buyon Eron tomonidan yuzlab odamlar halok bo‘lgan, kamida 150 amerikalik jarohatlangan. Juma kuni AQSH KC-135 yonilg‘i quyish samolyoti qulaganida bortdagi olti nafar askar halok bo‘lgan. Shu bilan urush boshlangandan beri AQSH harbiylaridan jami 13 nafar halok bo‘ldi.
